Nui, lai pīsadaleitu tolkā, nav obligati juosaregistrej Mozilla Common Voice platformā - bolsu var īraksteit anonimi, napamatūt par sevi nikaidu datu. Registriešonuos aktivuokajim dalinīkim ļaun sekuot leidza sovai statistikai i saleidzynuot padareitū ar cytim dalinīkim vysā pasaulī.

1. Publiski byus radzams īrokstu skaits i informaceja par tū, kaidā volūdā jī īrunuoti.
2. Jius varit izavielēt, voi lītuotuoja vuords ir publiskys voi anonims.
3. Jiusu īsnāgtī demografiskī dati (par pīmāru, vacums, dzymums, volūda, izlūkšņu īzeimis voi akcents) nikod natiks paruodeiti jiusu profilā i sasaisteiti ar jū datu kūpā. Atseviški bolsu īroksti tiks saisteiti ar demografiskajim datim, lai veiktu precizuoku analizi. Par pīmāru, pietnīks var gribēt pieteit kaidys nūsaceitys vacuma grupys (jaunīšu, senioru) volūdu.
4. Jiusu lītuotuoja vuords i e-posts natiks pīsaisteits publicātajim datim.
5. E-posta adrese, kū lītojat Mozilla Common Voice platformā, publiski daīmama nabyus.

Obejis aktivitatis ir cīši svareigys. Jaunajim bolsu tolkys dalinīkim mes īsokam suokt ar īraksteišonu, lai mes dabuotu piec īspiejis leluoku i daudzveideiguoku īrokstu kūpu.

Sovpus tūs, kas jau īrakstejuši 100 voi vaira teikumu, aicynojam puorbaudeit cytu īraksteitū. Precizu i kvalitativu runys tehnologeju izstruodē ir svareigi, lai īrunuotajūs teikumūs nav klaidu, deļtuo itūšaļt leluokais īgivums nu aktivūs dalinīku īguļdeituo laika byus tīši īrokstu puorbaude, partū ka napuorbaudeitūs īrokstus ir gryuts lītuot pietnīceibā i runys tehnologejuos.

Mozilla Common Voice lopā teikumus var īraksteit i puorbaudeit ari nu mobilūs īreiču.
Android lītuotuojim ir daīmama ari neoficiala kūpīnys sataiseita lītuotne - Donate your voice: CV Project. Lītuotni var atrast Google Play.
Itei lītuotne pīduovoj vairuokys papyldu vareibys:

• Īraksteit i puorbaudeit bez škārsteikla savīnuojuma
• Papyldu īstatejumi, kas īrokstus ļaun puorbaudeit mudruok

Lītuotnē ir reklamys, bet juos var izslēgt īstatejumu sadaļā. Iestatījumi -> Citi -> Papildu iestatījumi.

Vīns nu veidu, kai paleidzēt Bolsu tolkai, ir pastuostūt par tū cytim, par pīmāru, sovā sātys lopā voi socialū teiklu kontā. Ziņom i banerim varit lītuot ituos biļdis: https://drive.google.com/drive/folders/1p1FefCrkwbGhYb6G2ZN5D9Ppum1w3AfI

Teikumus sevkurs lītuotuojs var dalikt sadaļā "Roksti", tok vysuvaira īrunojamī teksti latgaliski ir i teikumi, i atseviški vuordi nu itaidu olūtu:

Rupaiņs, O. Zemes sōļs. Minhene: p/s Latgaļu izd., 1957.
Rupaiņs, O. Pasaules vējos. Rēzekne: Latgolys Kulturys centra izdevnīceiba, 2000.
Andronovs, A., Leikuma, L. Latgalīšu-latvīšu-krīvu sarunu vuordineica. Rīga–Ačinska: LVAVA, 2008.
Es soku. Tu soki. Puosokys par krīzi. Rīga: Latgolys studentu centrs, 2011.
Lukaševičs, V. Latgaliešu-latviešu vārdnīca. Vīna cylvāka specvuorduojs. Daugavpils: Daugavpils Universitātes akadēmiskais apgāds „Saule”, 2011.
Sperga, I., Slišāns, O. Munā sātā. Rēzekne: z/s Jakupāni, 2013.
Šuplinska, I., Rundāne, L., Andrejeva, A. Gostūs pi Boņuka. Stuosti bārnim par Latgolu. Rēzekne: Rēzeknis Tehnologeju akademeja, 2017.
Kas bez iuzu, tys bez bādys. Teicīni, vielejumi, gudreibys tosti, anekdoti vysim dzeivis gadīnim. [b.v.]: Latgolys studentu centrs, 2018.
Rancāne, A. Prīca i klusiešona. Latgolys studentu centrs, 2018.
Kancāne, E. Syltuo mola. Rīga: Latgolys studentu centrs, 2018.
Husare, E. Trusīni vessim reitā pi puiša. Bīdreiba „LgSC”, 2022.
Melne, L. Septeitais diktats latgalīšu rokstu volūdā. 2023.
Teikumi nu LR1 raidejuma „Kolnasāta”:
• Sperga, I. Recenzeja par Egitys Kancānis gruomotu „Syltuo mola”.
• Sperga, I. Rudiņs atguojs. Dvieseļu dīna.
Teikumi nu dokumentalūs kinu (režisors Arnis Slobožaņins):
• Laiki. Cylvāki. Volūda.
• Latgalīši Sibirī.
• Dabasu Durovys – Bāka (Jumta koncerts).
Portals lakuga.lv – dažaidi roksti.